Siglir tar il cuntegn

Header

audio
Genealogia.
Gion Tenner
laschar ir. Durada: 4 minutas 12 Secundas.
cuntegn

Mustér, Tujetsch e Medel: 30'000 nums da famiglias

Il scolast Gion Tenner da Segnas/Mustér rimna dapi 30 onns nums da famiglias, surtut da la Sursassiala. Fin uss ha el quasi 8'800 famiglias en sia banca da datas.

Entschet ha tut cura ch'el ha fatg ina lavur sur dal vischinadi da Segnas. Lura ha el cumenzà a rimnar nums da famiglias, l'emprim da sia famiglia Tenner-Schnoz. Suenter sajan autras da las vischnancas da Mustér, Tujetsch e Medel vegnidas vidlonder, perquai che questas vischnancas sajan colliadas entras maridaglias.

Ils fastatgs da si'atgna famiglia ha el pudì persequitar fin ca. 1750. Mo per part po el schizunt reconstruir lingias fin ca. 1200 – quai grazia a l'internet.

Era via facebook
Per sia lavur ha Gion Tenner duvrà surtut cudeschs da batten, da lètgs e mortoris ed el tschertga actualmain infurmaziuns per ex. en figls uffizials, annunzias da morts, gasettas e medias. Facebook saja fitg interessant perquai che la generaziun giuvna publitgescha datas persunalas. Entras contacts cun auters perscrutaders vegn el dentant era tar infurmaziuns d'indigens ch'èn emigrads en autras terras. In exempel èn commembers da la famiglia Bisquolm da Mustér ch'èn emigrads en Germania.

Betg publitgar il mument
Ina genealogia cuntegna infurmaziuns da la derivanza d'ina famiglia, co ins è maridads e nua ch'ins stat, e sa chapescha era tgi ch'è parent cun tgi.
Gion Tenner ha registrà fin uss 30'000 nums da quasi 8800 famiglias. Mo sco el di na vul el publitgar, vul dir metter online, questas datas il mument.

Dapli da «Total local»

Scrollar a sanestra Scrollar a dretga