Mustér: Robert Derungs surpiglia la fatschenta da Ignaz Furger

Lemprim da matg 1982 ha Ignaz Furger mess en pe sia atgna fatschenta: Lambulanza, taxi, servetsch cun autos da morts, transports cun uffants da scola e viadis da posta a Cavardiras. Uss, 36 onns pli tard, dat el sia fatschenta en mauns pli giuvens.

Ignaz Furger e ses successur Robert Derungs.
Legenda da maletgs: Ignaz Furger (dretg) e ses successur Robert Derungs. RTR, Hubert Giger

260-300 transports cun l'ambulanza

Ignaz Furger ha 68 onns. Gugent avess el vendì sia fatschenta pli baud, mo i na saja stà lev da chattar in successur. Tgi che surpiglia questa fatschenta stoppia esser preschent 24 uras e 365 dis. Quai surtut en il servetsch da lambulanza. Ins stoppia era quintar chins vegnia clamà la notg.

En tut fetschia el tranter 260 e 300 transports ad onn cun lambulanza. Els hajan in contract cun lospital regiunal a Glion. La gronda part dals transports èn tranter Rabius ed il pass da lAlpsu. Mo mintgatant vegnian els era clamads dal 144 en auters lieus en Surselva.

5 emploiadas e 9 autos

Ses succesur cun lemprim da matg 2018 è Robert Derungs. El ha 36 onns ed è da Vignogn. Robert Derungs di chel haja gia lavurà avant diesch onn tar Ignaz Furger ed alura haja el vis co quai marscha. Suenter saja el ì davent, mo el haja mantegnì il contact. El saja era gugent en las muntognas, ed ins n'haja betg mintga di ina chaschun da surpigliar ina tala fatschenta.


Il local a Raveras/Mustér, nua che la firma Furger ha ses biro e ses vehichels , exista dapi 12 onns. Ultra da quai ha ella ina pitschna baracca per deponer urden a Sontget. Robert Derungs ha tschintg emploiads e nov vehichels.

Autur/a: Hubert Giger