Mustér: Ir novas vias cun pumera

Era sche Mustér nè betg il pli ideal lieu per pumera, ha il pur Toni Columberg realisà ina pitschna plantascha.

Vista sin in prà a Mustér.
Legenda da maletgs: Purtret nunusità a Mustér: Toni Columberg ha plantà 10 pumers sin in prà sut Clavaniev. RTR, G. HOSANG

5 mailers e 5 pairers ha Toni Columberg plantà sut Clavaniev, ina fracziun da Mustér. Tenor el è quest prà fitg protegì ed uschia ideal per pumera. Il furnitur e cultivatur da plantas Ruedi Glauser conferma, che Mustér giascha al cunfin per avair pumera che porta fritg, ma i saja pussaivel.

Tenor Toni Columberg stoppian ils purs ozendi guardar da producir sin plirs secturs. Perquai ha el decidì da plantar pumera. Per avair ina nischa è el era sa decidì da plantar tala da la pro spezia rara. Ina part da la puma vul el duvrar per el. Mo el quinta era da laschar a tschains tscherts pumers, ina giada chi portan fritg. Tenor Ruedi Glauser cuzza quai dentant anc in temp. Tenor el porta la pumera, sche tut va bain, en 10 onns var 20 fin 50 kilos puma per planta. Primavaira vul Toni Columberg anc plantar 5 tschareschers e 5 paloghers.

Autur/a: RTR/gh