Mustér: Il banc da WLAN per requirents d’asil

En il center dasil a Mustér na datti betg ina colliaziun cun l'internet. Mo tuttina han ils requirents d'asil chattà ina via per avair in access WLAN a Mustér.

Il baun da WLAN a Mustér è il mument vid
Legenda da maletgs: Il baun da WLAN a Mustér è il mument vid RTR/Hubert Giger

Adina puspè pon ins vesair requirents dasil che sesan sin il banc avant la chasa communala. Dus dad els, in giuven da la Somalia ed in da l'Eritrea, han confermà ad RTR chels sesian là perquai chels hajan ina rait dinternet.


Vischnanca n'ha betg ina rait libra d'internet
Quai conferma il president da vischnanca da Mustér Francestg Cajacob. Ils requirents dasil hajan chattà access ad ina rait dina persuna privata. Mo i dettia nagins problems ed er naginas reclamaziuns.
La vischnanca na mettia dentant betg a disposiziun ina rait dinternet gratuita. Il motiv è chen vischnanca sajan memia paucas persunas sin in grond spazi ed ultra da quai sajan ils custs dinternet sa reducids ils ultims onns e perquai na saja quai betg in problem finanzial pli.


Televisiun u internet?
Era en il center dasil a Mustér na datti betg internet. Sco Georg Carl da lUffizi chantunal da migraziun di, stoppian els decider mintgamai tranter avair televisiun ubain internet. En quest cas hajan ils requirents dasil ina televisiun en mintga chombra, perquai chil bajetg era pli baud in hotel/hostel. Mo els veglian ponderar sch'i na fiss betg pussaivel dad er installar en lavegnir ina rait dinternet per ils requirents dasil.

Autur/a: RTR/hg/ma