Mustér: Chor maschadà Sedrun cun novas chanzuns

Al concert da benefizi en favur da la claustra da Mustér vegnan preschentadas 12 chanzuns da cumponists indigens scrittas a posta per quai concert.

Il Chor maschadà Sedrun durant ina emprova.
Legenda da maletgs: Il Chor maschadà Sedrun durant ina emprova. RTR, Gion Hosang

La renovaziun da la fatschada da la claustra da Mustér custa bler. Custs che vegnan cuvrì cun daners dal chantun, da la confederaziun, da sponsurs e d'uniuns regiunalas che s'engaschan per la claustra, sco il Chor maschadà Sedrun. Cun dus concerts mez settember vulan els recaltgar daners per regalar quels a la claustra da Mustér. Il chor ha schizunt laschà cumponer da cumponists sursilvans 12 novas chanzuns aposta per quels dus concerts. Per ina han ils commembers uschia vulì sustegnair la claustra ed el medem mument era far insatge per la musica da chant rumantscha.

Autur/a: RTR/al/dh