Mustér: Bilantscha dal vegl manader dal center da sport Mustér

Davent da Pirmin Zurbriggen enfin Jakob Hlasek

Center da sport e cultura a Mustér.
Legenda da maletgs: Center da sport e cultura a Mustér. ANR, H. Huonder

En il center da sport e cultura a Mustér pon ins far dal tut: unihockey, minigolf, ballape, fitness ed anc bler auter. Varga 20 onns è Umberto Zanin stà al timun dal center. Uss va el en pensiun. Durant il temp ch'el è stà manader dal center, è bler sa midà. Tant la purschida sco era ils giasts. A l'entschatta vegniva la glieud, fascheva sport e gieva puspè a chasa. Quai ha el empruvà da midar, cun success.

En ils 23 onns han era inqual persuna e gruppa enconuschenta visità il center. La gruppa da musica svizra Gotthard ha concertà 3 giadas a Mustér. Era la giugadra da tennis americana Monica Seles ha gia trenà en il center da sport e Pirmin Zurbriggen ha auzà paisas en il studio da fitness dal center.

Autur/a: RTR/td