Siglir tar il cuntegn

Header

audio
Ils giuvenils derivan da la Svizra, Germania, Austria, Italia ed Ungaria.
RTR
laschar ir. Durada: 2 minutas 54 Secundas.
cuntegn

Mustér: 300 scolars benedictins da 5 pajais

Per l'emprima giada sa scuntran giuvenils da gimnasis benedictins en Svizra. E quai a Mustér da gievgia, ils 30 da settember fin dumengia, ils 2 doctober. Il gimnasi organisescha quest inscunter ensemen cun la claustra.

Record
Ils giuvenils derivan da la Svizra, Germania, Austria, Italia ed Ungaria. Ensemen cun persunas accumpagnantas sa tracta quai da ca. 300 giuvnas e giuvens da 13 fin 20 onns che derivan da la Svizra, Germania, Austria, Italia ed Ungaria. Quai saja in record da participants, perquai che fin uss sa scuntravan tranter 60 ed 80 giuvenils, di il scolast e president dal comité d'organisaziun Kilian Grütter.

Tgirar contacts e spiritualitad benedictina
La finamira saja d'ina vart da tgirar ils contacts e da l'autra vart dad intermediar insatge sur da la spiritualitad benedictina sin la via da furmaziun dals scolars. Perquai saja il motto da quest inscunter: Scuvrir cristals e far traglischar els, in motto che giaja bain a prà cun la regla da Son Benedetg, declera il frater Paul Tobler. Ils giuvenils pon lura er tschertgar cristals, lavar aur ubain far in'excursiun fin a la tgina dal Rain.

Il frater Paul era stà 2013 a l'inscunter da scolars benedictins en Germania. Là saja naschida l'idea d'organisar il proxim inscunter a Mustér.

Dapli da «Total local»

Scrollar a sanestra Scrollar a dretga