Menzli Sport cumpra Casutt Velos

La cumpra da la Casutt Velos tras la fatschenta Menzli Sport è gia sut tetg. En vigur entra ella il favrer 2018.

Gian Marco Menzli ha surpiglià il timun da Sepp Hendry.
Legenda da maletgs: Gian Marco Menzli ha surpiglià il timun da Sepp Hendry. RTR, Linus Livers

Las stizuns restan fisicalmain separadas silmain fin che la las localitads da fatschenta da Menzli Sport midan en il nov bajetg «Center Marcau» ensemen cun la Posta e la Migros. Il termin fa far questa midada n'è anc betg fixads.

La fatschenta da Casutt Velos è dapi lonn 2000 els mauns da Sepp Hendry. El ha cun ses mecanist da velos Ignaz Arpagaus in tschep da clientella surtut enturn il club da velos Surselva. Ord da quel vegn il star Nino Schurter ma era atlets sco Ursin Spescha, Andrin Beeli e Vital Albin per numnar sulet inqual.

Tschep da clients duai vinavant vegnir tgirà

Il possessur nov da la fatschenta Menzli Sport Gian Marco Menzli vesa surtut potenzial tar questa clientella da sportists. Sco el ha detg ad RTR saja la cumbinaziun dal cumpetent vendider Sepp Hendry e ses mecanist Ignaz Arpagaus, renconuschì tar ils bikers, sco la groma sin la petta. Uschia èsi era cler che omadus vegnan era a lavurar en la fatschenta nova.

Sur dal pretsch da cumpra na dat i nagins detagls. Vendider e cumprader parevan dentant dat esser cuntents.

Autur/a: Linus Livers