Men Rauch e l'istorgia dals chors d'Engiadina Bassa

Fin ils 22 d'october mussa il Museum d'Engiadina Bassa en il rom d'ina exposiziun speziala fassettas ed aspects da Men Rauch.

Men Rauch.
Legenda da maletgs: Men Rauch. RTR, Reto Mayer

L'exposiziun en il Museum d'Engiadina Bassa a Scuol s'occupa actualmain da las ovras da Men Rauch – in um cun bleras fassettas. Men Rauch era chantautur, cumponist, politicher, redactur ubain er cabarettist, quai per menziunar be in pèr da sias activitads. Enconuschent è el en emprima lingia a Scuol. Sias chanzuns èn però er enconuschentas sur ils cunfins da l'Engiadina Bassa ora – per exempel «Ferm tabac», «La chanzun dals bels utschels» u «Lhom strom».

Men Rauch – il «capo communal da Scuol»

Sper las activitads da chant è Men Rauch stà 12 onns president communal da Scuol, suenter er mastral e grond cusseglier. Durant la segunda guerra è el stà cumandant da la truppa da S-charl sco emprim tenent. Plinavant era Men Rauch er in passiunà pestgader e chatschader, bibliotecar, fundatur e redactur da la gasetta Ladina. En quella exposiziun datti ina vasta survista da sias ovras – na be cun purtrets e texts, ma er cun tuns e films.

Laschar ir video «Men Rauch – Cuntrasts dals 03.02.2008»

Men Rauch – Cuntrasts dals 03.02.2008

12 min, dals 3.2.2008

Autur/a: Reto Mayer