Medel: Project per ina nova chascharia

Il plan da fatschenta per ina chascharia nova a Curaglia è sin maisa.

Il bajetg da la chascharia veglia a Curaglia.
Legenda da maletgs: Il bajetg da la chascharia veglia a Curaglia. Tabea Baumgartner

L'uniun «La Caura» ha gia rimnà la mesadad dals daners, sco il president communal e president da La Caura Peter Binz di. Il project custa 500'000 francs. 200'000 francs èn in emprest, 50'000 vegnan da La Caura e 250'000 da fundaziuns.
La finamira è dad elavurar 100'000 liters latg ad onn. Cun quels vegni producì 10 tonnas chaschiel chaura e nursa. Betg mo ils purs da la Val Medel duain furnir latg, purs da l'entira Surselva.

Almain duas plazzas
La chascharia nova creescha ina plivalur en la Val Medel, i dat almain duas plazzas novas, dapli chauras e products da auta qualitad.

Avant 50/60 onns vivevan anc 1'000 chauras en la val, oz mo anc 150. Gia enturn 1900 aveva Curaglia ina chascharia, mo dapi 1996 na vegni betg chaschà pli en quella.

Autur/a: RTR/cl