Siglir tar il cuntegn

Header

audio
Lorenz Kurtz (sen) e Kristin Bonderer dal biro Planval e Peter Binz
RTR, Hubert Giger
laschar ir. Durada: 2 minutas 16 Secundas.
cuntegn

Medel muenta: Las emprimas ideas èn sin maisa

Gievgia, ils 22 da mars, ha la vischnanca da Medel organisà in lavuratori. En il center da quel èn stadas dumondas sco: Cun tge mesiras pon ins manar dapli turists en la val, tge infrastructura manca e tge purschidas novas ubain existentas pon vegnir sviluppadas?

Intgins exempels concrets datti gia, co turists ed indigens pon collavurar:

  • Accumpagnar in chatschadur ed observar las selvaschinas
  • Accumpagnar in pestgader
  • Guardar co mastergnants lavuravan pli baud, per ex. cun far schlondas
  • Far paun
  • Emprender d'enconuscher la cultura sco per ex. baselgias e chapluttas
  • Visitar il museum dal vitg ubain il museum da cristals
  • Porscher aventuras

Il president da vischnanca Peter Binz è persvadì ch'il turissem funcziuneschia en ina regiun sco la Val Medel mo cun sustegn dals indigens. Perquai veglian els collavurar per pudair porscher als turists las bellas aventuras ch'ina vischnanca en las muntognas possia porscher.


Sa posiziunar en ina nischa

Il biro Planval accumpogna il project. E la strategia dal manader dal project Lorenz Kurtz è da cuntanscher buns resultats cun sa posiziunar en ina nischa. Blers turists tschertgian ozendi il ruaus, ina natira intacta ed il contact cun indigens.

Suenter il lavuratori hajan intginas persunas gia survegnì l'incumbensa da cumenzar cun la lavur, di Peter Binz. Las infurmaziuns vegnian publitgadas sin la pagina d'internet da la vischnanca. Per far attents al project veglian els era esser preschents a l'exposiziun Guarda/Züspa cun in stan.

Dapli da «Total local»

Scrollar a sanestra Scrollar a dretga