Madulain: «Kiwi Beck»

Mintga vitg duess avair in'atgna furnaria

Purtret da Toni Rees.
Legenda da maletgs: Toni Rees. RTR, A. Caprez

A Madulain, la pli pitschna vischnanca en Engiadin'Ota, datti dapi in onn ina furnaria. Toni Rees da la Nova Zelanda fa mintga di paun frestg senza grond agid da maschinas.

Il furner retira las differentas farinas e grauns d'in mulin en la val Bregaglia e porscha 100% paun bio. Uschia è la furnaria Kiwi Beck er buna da concurrenzar cun la purschida en butias pli grondas.

La furnaria duai daventar pli enconuschenta sur ils cunfins da la vischnanca ora. Perquai producescha l'um da 39 onns 7 dis l'emna differents pauns, ma er pastizarias. Il siemi dal «kiwi» è d'engrondir ses manaschi e da porscher a la clientella er in lieu per giudair las buntads dal Kiwi Beck.

Laschar ir video «Kiwi Beck: Toni Rees, Madulain»

Kiwi Beck: Toni Rees, Madulain

2:13 min, dals 18.9.2015

Autur/a: RTR/cl