Local stabel per giuvenils dal Surses

A Savognin duai dar in local stabel per giuvenils. La vischnanca da Surses è sin la tschertga d'ina immobiglia adattada.

Nua ch'i dat in lieu d'inscunter per ils scolars n'è betg anc decidì.
Legenda da maletgs: Nua ch'i dat in lieu d'inscunter per ils scolars n'è betg anc decidì. RTR, F. Belotti

Sco quai che Giancarlo Torriani, suprastant da la vischnanca Surses e president dal cussegl da scola ha ditg, sajan ins il mument sin la tschertga d'in local stabel a Savognin. Ins saja gia en discurs cun differents locaturs. Realistic saja, ch'il lieu d'inscunter per giuvenils pudess esser pront sin l'entschatta da lauter onn. La dumonda stoppia però anc ir davant la radunanza communala. Gia fundada è ina cumissiun cun represchentants da vischnanca e geniturs.

Autur/a: Federico Belotti