Lieus bandunads: Glatsch da Surava enstagl da biscotg

Dapli che 100 onns vegniva fatg biscotg (Zwieback) a Surava en Val d'Alvra. Lonn 1999 è la fabrica vegnida serrada e la producziun è ida a Tusaun. Dapi intgins onns vegn fatg glatsch en la veglia fabrica da biscotg.

Oz vegn fatg glatsch en l'anteriura fabrica da biscotg gist sper la via tras Surava.
Legenda da maletgs: RTR, Federico Belotti

Fundada è la fabrica da biscotg vegnida lonn 1886 dal pastizier Josef Laim. Ditg è la fabrica stada en ils mauns da la famiglia, enfin che Martha Eugster e ses um han surpiglià l'onn 1969 la fabrica. 30 onns han els manà la firma cun plaschair ed il 1999 è ina lungera ida a fin.

Glatsch da spargias

Dapi quatter onns vegn uss fatg glatsch en la veglia fabrica da biscotg. Avant vegniva il glatsch Balnot fatg en l'Engiadina. Holger Schmidt il maina fatschenta dal «Glatsch Balnot» nizzegia latg da bio or da la regiun per ses glatschs. El è era avert per chaussas betg uschè usitadas. Uschia producescha el glatschs cun il gust da spargias u dad anis, ed era glatschs fatgs cun latg nursa tutga tar ina da sias spezialitads.

Lieus bandunads Lieus bandunads

Autur/a: Redacziun: Federico Belotti