Siglir tar il cuntegn

Header

audio
Il logo da l'anteriura Smart SA sin la fatschada da la fabrica a Sedrun.
RTR
laschar ir. Durada: 2 minutas 55 Secundas.
cuntegn

Lieus bandunads: 1992 ha la Smart SA a Sedrun fatg concurs

1970 ha questa firma cumenzà a producir surtut nizzas per tagliar chavels e tarpuns. Emprovas da lantschar per ex. il cuntè «exacut» han fatg naufragi.

Il fundatur da la Smart SA, Zoltan Szabo (1920-1969), aveva translocà sia firma da Vienna a Sedrun. In motiv era ch'el e sia famiglia avevan ina abitaziun da vacanzas a Sedrun. In auter era ch'il president communal Theophil Schmid aveva intimà el da vegnir en vischnanca cun sia firma (tenor indicaziuns en la Tuatschina da 1977).

Passa 30 lavurers
Cumenzà han ins cun otg lavurers. Pli tard ha la Smart gì passa 30 lavurers, quasi tuts da Tujetsch e conturn. La firma produciva tranter 50'000 e 70'000 nizzas per di. Mo ella è vegnida en las stretgas e scriveva cifras cotschnas. Ils daivets vegnivan pli e pli gronds. 1987 è ella stada curt avant il concurs, sco il Telesguard da 1991 ha rapportà. Ils motivs èn stads tenor il manader da fatschenta per la part tecnica, Mario Flepp, ils suandants: In management fallì, in marketing da pauc, lungs viadis da transport e la firma haja manchentà la chaschun da vegnir cun products novs sin fiera.

Dapli da «Total local»

Scrollar a sanestra Scrollar a dretga