Lai inaugurescha emprim foxtrail

A Lai è vegnì inaugurà lemprim foxtrail da las muntognas. Foxtrail è ina chatscha da zinslas, nua chins sto visitar differents posts ed engiavinar co ir enavant.

In post dal nov foxtrail a Lai.
Legenda da maletgs: In post dal nov foxtrail a Lai. RTR, Federico Belotti


La vischnanca da Vaz sa participescha cun 120000 francs vi da dus foxtrails. Il foxtrail Muntanella cumenza a Curvalda. Da là main'el cun la pendiculara fin a Heidbüel, nua chins sto sa participar vi da differentas engiavineras.

Il segund trail cun il num Anda va lung dal lai da Planeiras. Sco quai ch'il directur da Lai Turissem Bruno Fläcklin ha ditg, quinta el cun radund 10000 visitaders ad onn. E cun la vendita da las entradas veglian els amortisar las investiziuns entaifer trais onns.

Bigliets datti a partir da 13 francs (uffants) e 69 francs (famiglias). Il viadi en il bus u cun la pendiculara è mintgamai cumpiglià en il bigliet

Autur/a: Federico Belotti