Laax: Uss vegn la Mäuseburg era a Laax

La schliaziun encunter ina glista da spetga per la canorta e davrir ina ulteriura canorta. Dasper quella da Glion e Flem avra l'uniun uss era ina canorta a Laax.

Il logo da la l'uniun Mäuseburg.
Legenda da maletgs: Il logo da la l'uniun Mäuseburg. RTR, Linus Livers

L'uniun ha engrondi la purschida a Glion igl onn 2012 ed avert ina nova canorta a Flem il 2015. Ussa vegn anc ina canorta a Laax vidlonder che porscha 12 plaz. L'uniun canorta Mäuseburg ha uschia stgaffì entaifer 6 onns 19 plazzas da lavur da 100% ed ella porscha a 48 uffants plaz. La canorta da Laax è averta dapi l'entschatta avrel, questa sonda è il di da las portas avertas ella canorta a Laax.

Canorta en anteriur hotel Arena Alva


La canorta Mäuseburg da Laax sa chatta en lanteriur hotel Arena Alva agl ur da Laax en direcziun Glion. Sco quai che Gion Lechmann il president da l'uniun Mäuseburg ha detg saja quai in plaz ideal, cun pauc traffic e bunas pussaivladads da parcar. Gest quai aspect da parcar e fitg impurtant per ils geniturs che portan ni vegna per lur uffants.

Proxim pass avertura durant la fin d'emna


Strusch ch'ina chaussa è rugalada pia l'avertura da la canorta a Laax prenda l'uniun en mira la proxima sfida. Ussa vegn examinada la pussaivladad da tegnair averta ina da las canortas era la fin d'emna. Gion Lechmann ha manegià che l'idea, oriunda da la vischnanca da Laax vali la paina da vegnir persequitada. Sco tut quai che l'uniun porscha stoppia dentant era quella purschida esser rentabla manegia Lechmann.

Autur/a: Gionduri Maissen