Laax Murschetg: Visita en il Volg da l'onn tar il rocksresort

Il Volg amez il resort da vacanzas «rocksresort» a Laax Murschetg è il Volg da l'onn 2015. En sasez èsi in Volg sco tut tschels Volgs era. Ma la clientella sa differenziescha. Igl è in Volg per ils turists.

Bernadette Ziegler
Legenda da maletgs: Dapi 5 onns maina Bernadette Ziegler il Volg a Laax Murschetg. RTR, F. Caduff

Multiculti
Giasts da tut il mund beneventan Bernadette Ziegler e ses team. Cunquai vegnan els en contact cun fitg differentas persunas e mintgatant ston ins communitgar cun mauns e pes.

«Englais hai jau emprais a discurrer cun lavurar cun la glieud da tut il mund.» - Bernadette Ziegler

Els han adattà lur butietta als turists. Uschè ch'els èn in manaschi da stagiun. Ins po congualar lur affar cun in hotel. Il persunal mida da stagiun a stagiun ed era il temp d'avertura sa mida tut tenor basegns dals giasts. Tuttina ha il Volg dentant giasts da tschep. Però quels na ves'ins betg mintga di dentant mintg'onn.

Volg da l'onn
Ils criteris per survegnir il premi «Volg da l'onn» èn tranter auter sch'ils products èn adina frestgs e cumplets, il quint constat, igl è adina net e sche las vendidras ed ils vendiders èn amiaivels.

Laschar ir video «Impressiuns dal Volg a Laax Murschetg»

Impressiuns dal Volg a Laax Murschetg

0:26 min, dals 15.2.2016

Autur/a: RTR/dh