Ina galeria d'art per in e scadin

Dapi sis onns datti a Salouf la Galeria Toissa. Tuts che san picturar, fotografar u han auters duns, pon exponer. Lexposiziun che mida quatter giadas lonn, è gia occupada enfin la fin dal 2018.

Heidi Wenig en sia galeria a Salouf.
Legenda da maletgs: Heidi Wenig en sia galeria a Salouf. RTR, Federico Belotti

La fundatura da la Galeria Toissa è Heidi Wenig chha passa 80 onns. Cura chella è vegnida dal Partenz en il Surses a viver ha ella udì, che la vischnanca affitta inabitaziun. Suenter intgins discurs cun la vischnanca ha ella survegnì labitaziun per in pretsch favuraivel per far exposiziuns. En tut stattan a disposiziun trais locals per lart.

Actualmain expona la fotografa passiunada Heidi Wenig ensemen cun il fotograf Bernd Egger fotografias chhan da far cun laua. La finamira da la Galeria Toissa è, da dar la pussaivladad a persunas dal chantun u a persunas chhan in stretg contact cun il Grischun, da promover e da porscher la pussaivladad da mussar lur inschign. Tut ils maletgs pon vegnir cumprads, dentant mo ina giada per mintga motiv.

Autur/a: Federico Belotti