Siglir tar il cuntegn

Header

audio
Ils uffants taidlan sin il magister Steivan Planta che dat instrucziuns.
RTR, Georg Luzzi
laschar ir. Durada: 2 minutas 55 Secundas.
cuntegn

Il Ski Racing Club – per uffants cun ambiziuns

Dapi dus onns exista il Ski Racing Club – Suvretta St. Moritz. Iniziants dal club èn dus giuvens magisters da skis, Simon Koch e Steivan Planta.

L'incumbensa da promover ils giuvens dad ir cun skis avevan ils clubs da skis da las vischnancas. Oravant tut ils babs e las mammas dals uffants avevan d'organisar, esser preschents als trenaments ed a las cursas, s'occupar dal material e bler auter – e quai tut per in «grazia fitg».

Il Ski Racing Club – Suvretta St. Moritz

Cun il Ski Racing Club – Suvretta St. Moritz vegnan ils uffants promovids da magisters da skis da professiun, survegnan tips e trics en la tecnica ed emprendan d'ir enturn las bandieras.

Radund 70 uffants dumbra il club, e quai senza far gronda reclama. La tradiziunala propaganda da bucca a bucca ha bastà. Ils uffants han grond plaschair e sa participeschan cun grond engaschament e satisfacziun.

Dapli da «Total local»

Scrollar a sanestra Scrollar a dretga