Siglir tar il cuntegn

Header

audio
Investiziuns en Val Schons
RTR, Federico Belotti
laschar ir. Durada: 2 minutas 25 Secundas.
cuntegn

Grondas investiziuns en la Val Schons

Ils emprims dus da 7 projects per il svilup regiunal (PRE) en Val Schons e Valragn pon vegnir realisads. Il chantun e la Confederaziun sustegnan ils uschenumnads projects da PRE. Ils contracts èn vegnids suttascrits la fin dal 2016.

Ils set projects èn vegnids elavurads dal Parc Beverin e da la Scol'auta turitgaisa per scienzas applitgadas (ZHAW) en collavuraziun cun purtaders locals. L'uniun purtadra è la PRE Beverin.

Ulteriurs projects

Ils auters projects da la «PRE Beverin» èn la realisaziun d'in agroturissem sin l'Alp Nurdagn e la construcziun d'ina bieraria pitschna cun ustaria en la chascharia planisada a Sufers. Sin l'alp Curtginatsch duai ultra da quai vegnir construì in deposit per chaschiel d'alp. Plinavant duai dar ina plattafurma nua che tut ils products vegnan commerzialisads.

Grondas investiziuns

Tut ils projects duain vegnir realisads entaifer tschintg onns. Ils custs muntan a circa 7,5 milliuns francs. La Confederaziun sa participescha als custs cun 1,9 milliuns francs, il chantun cun radund 1,5 milliuns francs.

Dapli da «Total local»

Scrollar a sanestra Scrollar a dretga