Siglir tar il cuntegn

Header

audio
Norma Bandli ha dà vita al Café Odeon.
RTR, L. LIVERS
laschar ir. Durada: 4 minutas 42 Secundas.
cuntegn

Glion: Dapi 40 onns Café Odeon

Dapi 40 onns maina Norma Bandli il Café Odeon a Glion. En tut quels onns ha ella chapì da salvar il scharm da quai café cun 25 plazs.

L'atmosfera da quai café è in'atmosfera che carmala da restar. Il café è endrizzà cun mobiglias veglias, spievels vi da la parait, ina bar e regorda uschia vi d'in auter tschientaner. Surtut ils bancs da lain da la viafier retica, che tutgan tar il mobigliar dal Café Odeon, laschan sentir ils giasts sco en in auter mund.


Remplazzar bufatg las scadiolas
Avant 40 onns ha Norma Bandli endrizzà quest café, ella ha fatg quai cun ses agen gust, e sco i para ha ella gartegià la noda.

Sper las mobiglias ha ella era dà gronda paisa al service da vaschella e da magiels. Sch'ella ha stuì remplazzar insatge, lura ha ella fatg quai uschè bufatg, ch'ins ha strusch percurschì quai.

Duas e trais generaziuns da giasts
Las scadiolas èn adina stadas verdas - il medem verd sco las paraits ed il plafond. Ina part dal recept per quest success è pia il scharm dal café. In'autra part da quest recept - betg main impurtant - è l'ustiera sezza.

Norma Bandli ha chapì da manar quest café, uschia che la segunda e terza generaziun da giasts vegn gia tar ella. Tut tenor il motto: là nua che mia mamma gieva en cun mai, vom jau era en cun mes uffants.

Dapli da «Total local»

Scrollar a sanestra Scrollar a dretga