Giovanni Segantini a Savognin

L'exposiziun en la sala Segantini raquinta dal temp ch'il pictur-artist ha passentà a Savognin, da l'onn 1886 fin il 1894. Sin incumbensa dal Parc Ela han duas giuvnas artistas dal chantun Lucerna inscenà quels otg onns.

Giovanni Segantini en lain.
Legenda da maletgs: Giovanni Segantini en lain. RTR, Federico Belotti

Las artistas Selma Wick e Selina Bächli da «welttraum» tematiseschan en l'exposiziun la vita da Giovanni Segantini, e preschentan intginas ovras betg originalas da Segantini. Era da vesair è ina figura da lain da Giovanni Segantini, chè vegnida fatga da lartist Inico Cheyselinck. Quai en connex cun Woodvetia, ina campagna per laina svizra.

Sco Judith Burri dal Parc Ela ha ditg envers RTR, veglian els tranter auter far attent la glieud, ch'il pictur renumà haja fatg bleras ovras renumadas a Savognin.

L'exposiziun «Segantini a Savognin» è averta fin ils 29 da settember.

Redacziun: Federico Belotti