«Engadiner Radmarathon» - la cursa da velo neutrala da CO2

Autos electrics escorteschan questonn la cursa da velos da cursa «Engadin Radmarathon». In concept che correspunda al project «Zernez Energia 2020».

Il BMW i3 cul logo da la cursa «Engadin Radmarathon».
Legenda da maletgs: Il BMW i3 cul logo da la cursa «Engadin Radmarathon». MAD, Engadiner Radmarathon

La vischnanca vul daventar neutral da CO2 enfin lonn 2020. Tut la forza che vegn basegnada dal vitg vulan els producir sez, il project sa numna «Zernez Energia 2020».

Tschintg autos electrics sin il traject

Per il coordinatur turistic e president dorganisaziun da la cursa «Engadiner Radmarathon» è lintroducziun dautos electrics a la cursa da velos in ulteriur pass en quella direcziun.

Tschintg autos da la marca BMW vegnan ad esser il di da la cursa sin viadi. Els ston absolver ina distanza da 214 kilometers sur tschintg pass da muntognas e radund 4000 meters dautezza. Betg mo per las curriduras e curridurs è quai ina sfida, mabain er per ils autos sez.

Ina tscherta malsegirezza è schon avant maun tar ils organisaturs. Per che tut funcziuna bain vegnan ils manischunzs dals tschintg autos electrics ad avair ina instrucziun ordavant. Ultra da quai è l'emprim e lultim auto da la cursa in ibrid (forza/benzin), quai mo per esser propi segir che tut funcziuna, oravant tut en chaussas segirezza.

Autur/a: Georg Luzzi