Domat: Tge din ils vischins da lur candidat Mario Cavigelli?

Mario Cavigelli è president da la regenza grischuna e manader dal Departament da construcziun, traffic e selvicultura. El è creschì si a Domat e abitescha anc adina là. Ed el para era dad esser in vischin bain vesi.

La chasa da Mario Cavigelli a Domat.
Legenda da maletgs: La chasa da Mario Cavigelli a Domat. RTR, Flurin Clalüna

En butia, en restaurant ni era sin via: adina puspè vesi ins el. Mario Cavigelli saja preschent ed adina amiaivel - quai audins en tut il vitg. Ed era tar ses vischins directs fa el ina buna impressiun. El dettia a tuts dal ti, salida adina. Ils blers din era, ch'el fetschia buna lavur sco cusseglier guvernativ.


Pli gronds discurs sin via ni sur la saiv da l'iert dettia plitost darar. «Quai saja dentant chapibel. El stoppia era lavurar e far politica a Cuira», di ina vischina.

Autur/a: Flurin Clalüna