Domat: Tempo 30 en il center?

Il glindesdi ha mintga chasada a Domat survegnì ina glista da suttascripziuns per pudair sustegnair l'iniziativa per tempo 30 a Domat. Il tenor en il vitg sa cloma: «Gea, i sto vegni fatg insatge per la segirtad».

Benno Willi s'engascha per tempo 30 en il center da Domat.
Legenda da maletgs: Benno Willi s'engascha per tempo 30 en il center da Domat. RTR, GIAN CARLO CANDINAS

En tact da secundas van autos ni bus tras il center stretg dal vitg da Domat. Igl è in pulit traffic e pauc empernaivel per ils peduns.

Passapes chatt'ins numnadamain n'era betg dapertut. E cler, ina zona 30 purtass dapli segirtad, di Benno Willi dal comité da l'iniziativa per tempo 30.

Strivlas melnas svanidas èn stà punct da partenza
Avant bun 2 mais ha la polizia chantunala fatg davent in pèr strivlas melnas. Las strivlas avant l'apoteca dal vitg. Quai saja stà il punct da partenza da s'engaschar per tempo 30 en il center dal vitg, declera Benno Willi.

I para sco sch'ina gronda part dals abitants sustegn ina zona 30 tras il center dal vitg. Las 300 suttascripziuns necessarias sajan numnadamain gia ensemen, di Benno Willi.

Laschar ir video «Tempo 30 a Domat (archiv: 08.06.2005)»

Tempo 30 a Domat (archiv: 08.06.2005)

1:53 min, dals 8.6.2005

Autur/a: RTR/gcc