Cursa da benefizi per Dario Christen

Ils quatter da favrer organiseschan las Pendicularas da Savognin SA ina cursa da skis da benefizi ed ina saira da charity. Sco quai che las pendicularas communitgeschan vulan ellas sustegnair Christen sin la via en ina nova vita. Dapi in accident tragic è il freerider paraplegic.

Dario Christen avant l'accident
Legenda da maletgs: Dario Christen avant l'accident MAD

La cursa da skis è ils quatter da favrer e cumenza las nov la damaun. Mintga skiunza e mintga skiunz fa duas cursas, e quel ch'è il pli da manaivel da ses emprim temp, ha gudagnà la cursa. L'anteriur skiunz Paul Accola vegn ad esser in dals prominents da la cursa. La participaziun è gratuita. La saira davent da las sis datti ina tschaina en l'ustaria a Tigignas. I dat in concert dad Adrian Stern e da DJ Andy Wolf. Las pendicularas han prolungà il termin d'annunzia.

Autur/a: Federico Belotti / Sandra Carisch