Cumpadials: istorgia da success per la Casa s. Giusep

Dapi l'october 2012 mainan quatter persunas la chasa d'attempads e da tgira s. Giusep. Ellas han introducì ina nova structura che metta ils cussadents en il center.

Bajetg Casa s. Giusep a Cumpadials.
Legenda da maletgs: Casa s. Giusep a Cumpadials. RTR, H. GIGER

Quels cussadents che pon decidan sezs, co els vulan organisar lur mintga di, vul dir cura ch'els vulan mangiar, ir a spass, ir a letg etc. Il temp è daventà flexibel ed uschia haja il persunal pli pauc stress, di Marianna Winkler, ina da las persunas en la direcziun da la Casa s. Giusep. En quest senn hajan ils cussadents dapli cumpetenzas, uschè lunsch sco quai saja pussaivel, di Esther Appenzeller, ina da las manadras en la tgira. Omaduas dunnas discurran d'ina istorgia da success. Era ina retschertga fatga l'onn 2013 tar il persunal, mussa che collavuraturas e collavuraturs èn cuntents.

Quatter persunas en la direcziun, quai tuna sco sche quai fiss bler. Ma i sa tracta d'in pensum da lavur da 180%. Els funcziuneschian sco team perquai ch'els hajan blera experientscha, perquai ch'els veglian lavurar ensemen, perquai ch'els hajan la medema filosofia e sajan pronts da tschertgar schliaziuns, di Marianna Winkler.

Autur/a: RTR/hg