Siglir tar il cuntegn

Header

audio
A Flem han las vias nums rumantschs, quai sin iniziativa da l'uniun «Cuminonza romontscha Flem».
RTR, Carlo Albin
laschar ir. Durada: 2 minutas 14 Secundas.
cuntegn

Cuminanza rumantscha da Flem cun nov schlantsch

2016 era l'uniun «Cuminonza romontscha Flem» curt avant sa schliar. A la radunanza generala è dentant vegnì elegì ina nova suprastanza e dapi lura ha l'uniun survegnì nov schlantsch.

2016 era l'uniun «Cuminonza romontscha Flem» curt avant sa schliar. A la radunanza generala aveva la suprastanza partenta gia tschentà la dumonda da schliar l'uniun sin la glista da tractandas. Quai malgrà che l'uniun aveva anc 70 commembers e n'aveva era betg problems finanzials.

A la radunanza è dentant vegnì elegì ina nova suprastanza e dapi lura ha l'uniun survegnì nov schlantsch.

Uschia datti sairas da discurrer rumantsch, sairas da gieus nua ch'i vegn era dà troccas, sairas da chant, excursiuns e nov servetschs divins per rumantsch. Era ina nova pagina d'internet è vegnida creada.

Tut quellas activitads han dà il davos onn nov schlantsch a l'uniun ed il dumber da commembers è creschì tenor il president Hans-Peter Meiler da 70 sin circa 90 persunas.

Dapli da «Total local»

Scrollar a sanestra Scrollar a dretga