Crusch ni tgiet, da messa u da predi

Quella exposiziun en il museum regiunal a Glion mussa la convivenza da catolics e refurmads.

Ina crusch ed in tgiet da baselgia.
Legenda da maletgs: Crusch ni tgiet? RTR, Guadench Dazzi

L'exposiziun dat in'vista als fatg regiunals, or dal temp da la refurmaziun fin en il 20avel tschientaner. En l'exposiziun vegnan ins a savair, che Falera è mo per casualitad restà catolic. Ni era ch'il caluster d'Andiast ha persvas ils d'Andiast da restar catolics. Las detgas ord da quai temp vegnan raquintadas als visitaders en ina stanza preparada per quai intent.

La curatura Marianne Fischbacher ha rimnà exponats or dal temp da la refurmaziun. Uschia è da vesair in stampat da las 18 tesas da Johannes Comander. Quai stampat datti mo duas giadas en il Grischun ed in da quels originals è da vesair uss a Glion. L'exposiziun è betg refurmada e betg catolica, ella mussa simplamain co la convivenza d'omiduas confessiuns ha funcziunà e funcziuna.

Laschar ir video «500 onns refurmaziun – Exposiziun al museum regiunal Glion»

500 onns refurmaziun – Exposiziun al museum regiunal Glion

3:16 min, Telesguard dals 20.6.2017

Autur/a: Linus Livers