Cavardiras: Po in B&B funcziunar?

Avant trais onns han Prema Gross e ses um Nicola Mercolli cumprà ina mesa chasa cun l'annexa da l'anteriura posta a Cavardiras. I saja stà amur sin l'emprima egliada. Avant in mez onn han els lura cumprà la segunda mesadad da la chasa. Svelt è naschida l'idea da far orda questa part in B&B.

Il nov B&B a Cavardiras: la Chesa Prema
Legenda da maletgs: Il nov B&B a Cavardiras: la Chesa Prema

In B&B, per englais Bed and Breakfast - per rumantsch: letg e solver. Ils giasts pon pia durmir e solver là. Prema Gross è persvasa che quai possia funcziunar entras propaganda da bucca tar bucca. Ed er ses um Nicola Mercolli manegia ch'i dettia blera glieud che tschertgia la quietezza e solitariadad sco qua a Cavardiras.

Per ils indigens fa Prema Gross amogna degustaziuns da vin. Ella ha numnadamain ina collecziun da vins in pau exclusivs. Quels pon ins er cumprar en la pitschna butia ch'ella ha fatg ord l'anteriura posta. Sche tut va tenor plan èn las chombras, ina terrassa per in pitschen café e las localitads da degustaziun da vin prontas sin l'atun 2016.

Autur/a: RTR, sc