Casti: Nov lieu per giuvenils

En incumbensa da las vischnancas Albula/Alvra, Lantsch e Filisur vegn il mument endrizzà in local da giuventetgna visavi da la staziun da Casti. Il timun ha l'instituziun da giuvenils «Nido del Lupo» dad Alvagni.

Trais mattas picturan ina preit.
Legenda da maletgs: Las mattatschas da la scola superiura da Casti han plaschair vi da las lavurs da pictur. RTR / Federico Belotti

Radund 40 scolaras e scolars da la Val d'Alvra da la scola superiura pon nizzegiar il nov local che sa chatta en il plaun sutteran da l'anteriura garascha Gruber a Casti.

Responsabla per ils giuvenils è Sonja Roth ch'ha in pensum da lavur da 35%. Actualmain èn ils scolars vi dal drizzar en il local.

Autur/a: Federico Belotti