Alvagni: Zains n’avessan betg da batter la notg

Latun passà ha la suprastanza communala d'Alvagni decidì, ch'ils zains da la baselgia catolica da Nossadunna na duessan betg pli tutgar mintga quart dura durant la notg davent da las 22:00 enfin las 06:00 la damaun. La plaiv d'Alvagni na vul dentant betg acceptar questa decisiun e na dat betg or la clav da la baselgia, ch'è necessaria per programmar da nov il tutgiez. La nova vischnanca Albula/Alvra examinescha ussa, tgi che ha propi la cumpetenza, da midar las uras dal tutgiez. Betg pertutgà da la midada è il tutgiez durant il di ed il tutgiez regular da messa e per exempel il tutgiez da las 11:00.