Avant dus onns han be quatter persunas fatg teater a Breil. Lonn passà hajan ins lura gì dapli persunas e quest onn èn 10 persunas sin tribuna. Sco la presidenta da lUniun dramatica Breil, Bea Berther di, hajan ins tschertgà in toc tenor il dumber dacturs. Las giuvnas e giuvens fan teater perquai chels han gia vis sco uffants teaters. Quai ha inspirà. Tenor Bea Berther saja quai sco ina famiglia durant ils trais, quatter mais chi fetschian teater. Questa buna atmosfera saja segir ina da las raschuns che bleras persunas giuvnas fetschian teater a Breil.
Cumedia englaisa
Il toc che vegn dà quest onn a Breil ha num «Tut mo engulau...» ed è ina cumedia da lautur englais Michael Cooney. En il toc vai per Eric Swan che nha betg gughegià da dir a sia dunna ch'el ha pers sia plazza. Per tuttina vegnir tar daners ha el cumenzà a cugliunar luffizi social cun incassar rentas per persunas inventadas. Mo sco adina tar cumedias datti scumbigls ed irritaziuns tut a dubel.
