40 onns promoziun da la musica in Engiadina Bassa e Val Müstair

La Scola da musica Engiadina Bassa / Val Müstair ha festegià ils fundaturs da la scola da musica. Il 1976 è la scola da musica vegnida fundada e gia da lezza uras daventada ina part da la Pro Engiadina Bassa.

Festa da giubileum 40 onns scola musica Engiadina Bassa / Val Müstair.
Legenda da maletgs: Flurina e Janic Sarott han persvas cun lur concert. ANR, Benedict Stecher

Durant l'entira stad hai dà differents concerts en differents lieus ch'han festegià il giubileum 40 onns Scola da musica Engiadina Bassa / Val Müstair. Sonda saira (29 d'october 2016) è stada la festa finala a Scuol – quai en preschientscha d'ina gronda part dals fundaturs e scolaras e scolas ch'èn daventads musicists da professiun.

La scola da musica è vegnida fundada lonn 1976 cun la finamira da promover ed instruir ils uffants en musica e chant. Ils iniziants eran Rico Falett ed Ernst Bromeis. Suenter èn vegnids latiers anc diversas persunas ch'èn stadas dal cumenzament davent activas en il proceder da la fundaziun.

L'emprim onn eran radund 60 scolaras e scolars da la partida. Oz ha la scola da musica passa 460 scolars ed è integrada en la regiun Engiadina Bassa / Val Müstair.

Fundaturs, scolastAs e scolarAs han festivà

Autur/a: RTR, Reto Mayer