150 onns «Cor masdà Scuol»

Il «Cor masdà Scuol» festivescha sonda che vegn il giubileum da 150 onns e quai ensemen cun Bibi Vaplan, Roland Vögtlin e Snook.

Cor masdà Scuol, Ardez 1946, dirigent: Hermann Steiner
Legenda da maletgs: Ardez 1946, dirigent: Hermann Steiner MAD

En il center da la festa da 150 onns «Cor masdà Scuol» stat la promoziun dal chant. Per far quai, ha il chor laschà cumponer Bibi Vaplan, Roland Vögtlin e Snook trais chanzuns ch'els vegnan a chantar ensemen cun la chantadura ed ils dus chantadurs da Scuol.

Il chor maschadà da Scuol è vegnì fundà l'onn 1867. Suenter il chor da Tschlin era quel da Scuol il segund chor da l'Engiadina Bassa. Dals emprims 50 onns na chatt'ins quasi nagins documents. Percunter è l'istorgia dal chor documentada fitg bain, davent da lonn 1917 – cun ifurmaziuns sur da dirigents, presidents e schizunt statuts.

Chant da cumpagnia

La festa ha lieu sonda, ils 10 da zercladur davent da las 15:00 a Scuol sin plazza da scola. Suentermezdi datti tranter auter in workshop per uffants e suenter il concert da gala da la saira è planisà in chant da cumpagnia. Il chor da Scuol ha per quai intent edì in cudesch da festa cun 40 chanzuns popularas ed enconuschentas.

Laschar ir video «Chor da Scuol en il Balcun tort»

Chor da Scuol en il Balcun tort

0:37 min, L'archivar recumonda dals 19.12.1971

Autur/a: Reto Mayer / Onna Riedi