Siglir tar il cuntegn

Header

cuntegn

Tratgas da la Russia cun Svetlana Munderich

En «Tips, tric e tacs» dal mais da schaner preschenta Svetlana Munderich spaisas tipicas da la cuschina russa a la Mar Naira. La cuschina da la regiun Krasnodar è influenzada dal Caucasus dal nord e dals pajais vischins sco l’Ucraina, la Georgia u la Tirchia.

D'uffant e da giuvna ha Svetlana Munderich vivì ad Anapa en la regiun russa Krasnodar a la Mar Naira. Suenter sia scolaziun ha ella lavurà a Moscau ed il 2003 è Svetlana Munderich vegnida en Svizra. Uss abita ella a Turitg. Il rumantsch, il quart linguatg da la Svizra ha fascinà Svetlana Munderich talmain ch’ella è sa decidida per in studi da rumantsch a l'universitad da Friburg. Quel absolva ella a temp parzial sper sia lavur sco assistenta en ina pitschna firma en la regiun da Turitg. En ses temp liber fa Svetlana Munderich er part ad uniuns ed organisaziuns a Glion e conturn.

Artitgels legids il pli savens