Suvlaki, Gyros e Capretta – Mexican cun Alejandro Arias Linares

«Tips, trics e tacs» – il december cun «chili, mole y tradiciones» da la cuschina mexicana. Viva Mexico!

Alejandro Arias Linares
Legenda da maletgs: Alejandro Arias Linares RTR, Gaby Degonda

«Senza chili – nagina cuschina mexicana!» quai di Alejandro Arias Linares. El è naschì avant 44 onns a Mexico City. Ses studis ha el fatg a Mexico City ed a Yucatàn.

L'amur è la raschun che Alejandro Arias Linares ha prendì dimora en Surselva. L'onn 1999 ha Carmelia Giger visità La Paz e la Bassa California ed emprendì d'enconuscher Alejandro Arias Linares. L'onn 2002 èn els maridads. La stad 2003 è lur figlia Salome naschida.

Alejandro ha adina gì in bun maun en cuschina. Sper sia lavur sco manischunz d'auto da posta, puprogna el gugent sias damas cun spezialitads dal Mexico. Il december ans avischina el a la cuschina mexicana en il Radio Rumantsch. Da spezarias sco chili, da la marinada tipica «el mole», ma era da tradiziuns dal temp da Nadal sco «la posada» e «la pignata».

Autur/a: Gaby Degonda / Sandra Carisch