Siglir tar il cuntegn

Header

Navigaziun

Maria Decurtins tegn il microfon da RTR avan l'isch chasa a Darvella
Legenda: Suvlaky, Gyros e Carpetta – plats tradiziunals da la Calabria Maria Decurtins Giorgio viva prest 30 onns a Darvella cun ses um Fridolin Decurtins. Gaby Degonda
cuntegn

Suvlaki, Gyros e Capretta Plats da la Calabria cun Maria Decurtins-Giorgio da Trun

Maria Decurtins-Giorgio è arrivada l'onn 1984 sco giuvna da 25 onns en Surselva. A Trun ha ella chattà lavur e l'amur. Suenter passa 33 onns en Surselva ans declara Maria Decurtins insaquants plats da sia patria la Calabria che ella ha cumpletà cun sia nota persunala.

Durant il mais d’avrigl ans fatschentain nus cun la cuschina da la Calabria - la regiun en il sid da l’Italia. Maria Decurtins - Giorgio ans declara insaquants plats tradiziunals da la Calabria. Ella è naschida ils 15 da zercladur 1959 a San Vito sullo Ionio, in vitg cun rodund 1800 abitants en ina famiglia numerusa.

Avant che immigrar en Svizra ha Maria Decurtins lavurà en ina stamparia sco liacudeschs. Ina lavur che plascheva bain ad ella.

L'onn 1984, cura che Maria aveva 25 onns, ha ella decidì da immigrar en Svizra per sarender a Trun, nua che ses bab ed era ses frars avevan lavurà blers onns sco lavurers da construcziun. Cun sias soras Lucia, Adriana e Rossanna haveva Maria ina buna part da sia famiglia a Trun. En fabrica da Trun ha Maria era chattà l’amur. L'onn 1988 ha la giuvna Taliana maridà Fridolin Decurtins. Els en sa chasads a Darvella en chasa paterna da ses um nua che els han fundà famiglia. Maria e Fridolin èn geniturs da schumellins creschids- Thomas e Michele (28). En nossas emissiuns declara Maria Decurtins da buns plats da sia patria, dentant era da sia vita sco dunna e mamma.