La cifra – 9 auzadas

I na sa tracta betg d'in bajetg mabain d'in pocal, quel da la cuppa Stanley. Ozendi il pli impurtant pocal dal hockey sin glatsch.

pocal da Stanley
Legenda da maletgs: Il goli svizzer da la NHL Martin Gerber cun il pocal da Stanley. Keystone

Il pocal da la cuppa Stanley datti gia dapi l'onn 1893. Dapi 1926 vegnan mintgamai tut ils nums dals giugaders sco er da funcziunaris eav. da l'equipa che ha gudagnà gravads en il pe dal pocal.

Fin oz ha quai duvrà mov rintgs d'argient vid il pe dal pocal per avair plaz per passa 2'000 nums. Dapi il 1958 ha il pocal dentant adina be tschintg rintgs. È in rintg plain vegn el allontanà, remplazzà cun in vit e lura exponì en la Hockey Hall of Fame a Toronto en il Canada.

Il pocal actual da la cuppa Stanley n'è natiralmain betg l'original da l'onn 1893 mabain ina copia. Sin in rintg d'argient hai mintgamai plaz per ils Nums da 13 onns.

Autur/a: Gion Gieri Flepp