La cifra – 9'787 protests en l'onn 2017

L'Observatori per conflicts socials da Caracas en Venezuela, ha communitgà che la quota da protests saja creschida marcantamain ils onns passads. L'onn 2017 haja dà 9'787 protests – 27 protests per di.

La populaziun da la Venezuela protesta mintgadi encunter la miseria
Legenda da maletgs: Caracas, ils 28 da december 2017, protest encunter fom e paupradad keystone

La Venezuela traversa la pli gronda crisa economica da sia istorgia. Ils daivets da la terra sco era l'auta inflaziun chaschunan paupradad e frustraziun tar la populaziun. Millis e millis persunas protestan di per di encunter la mancanza da vivonda, aua, medischina e gas.

Autur/a: Gaby Degonda