La cifra – 50

50 fassettas u sumbrivas obscuras e misteriusas ha il protagonist Christian Grey en ils cudeschs e films da success «Fifty Shades of Grey». Da preschent è il segund chapitel da la trilogia en ils kinos.

E.L. James - l'autura da la trilogia «Fifty Shades of Grey»
Legenda da maletgs: E.L. James - l'autura da la trilogia «Fifty Shades of Grey». KEYSTONE

Dal 2011 fin il 2012 ha l'autura E.L. James (Erika Leonard) da la Gronda Britannia publitgà sia trilogia erotica cun l'istorgia d'amur sadomasochista d'Anastacia Steele e Christian Grey. Ils cudesch èn stads emnas en las glistas da bestseller. Er ils dus films ch'ì dat fin uss, carmalan milliuns d'aspectaturs en ils kinos. La critica discurra da «Mommy Porn» banal e d'ina celebraziun d'abus sexual e psichic.

Autur/a: Marionna Lombriser