La cifra – 46'312 dis

Tants dis da lavur èn ids a perder en Svizra tranter 2008 e 2016 pervi da chaumas u autras dispitas da lavur. Quai demussa la statistica da l'Uffizi federal da statistica.

chauma Richemont
Legenda da maletgs: Ina da las chaumas en Svizra dal 2016 - lavurants dal fabricant d'uras Richemont. Keystone

La Svizra n'è però insumma betg in pajais da chauma. Cumpareglià cun auters pajais da l'Europa u er cun ils Stadis Unids n'èn ils 46'312 dis tant sco nagut. En Frantscha van a perder mintg'onn 150 dis da lavur sin 1'000 lavurants. En Svizra è quai be gist in di ad onn sin 1'000 lavurants.

Branscha da bajegiar, traffic e transport han ils pli blers dis da chauma

La branscha da bajegiar e quella da transport e traffic han tenor l'Uffizi federal da statistica ils pli blers dis da chauma. Ellas han rimnà bunamain la mesadad (passa 20'000) dals 46'312 dis. Sin plazza trais suonda il sectur da scola, scolastas e scolasts cun bunamain 4'600 dis. Igl è però da dir ch'en quellas spartas èn er las pli bleras persunas stadas cumpigliadas, e quai rimna natiralmain dis.

Autur/a: Gion Gieri Flepp