La cifra – 4 milliardas $

4 milliardas dollars custa il cumbat per il presidi american 2016, uschia la prognosa dal vicepresident actual, Joe Biden.

Donald Trump e Hillary Clinton pudessan investir ensemen 4 milliardas dollars.
Legenda da maletgs: Donald Trump e Hillary Clinton pudessan investir ensemen 4 milliardas dollars. Keystone

Biden quinta che tant Hillary Clinton sco er Donald Trump investeschan fin la fin dal cumbat mintgamai duas milliardas dollars. Cumpareglià cun avant quatter onns tar la reelecziun da Barack Obama è quai dapli. Lura ha il cumbat electoral custà per omadus candidats ensemen (Barack Obama e Mitt Romney) var 1,2 milliardas.

Avant 56 onns cura che Kennedy e Nixon han cumbattì per il presidi ha lur cumbat anc custà tut en tut bun 20 milliuns dollars. Actualmain èn gia be las donaziuns per tut ils candidats tar passà ina milliarda. En il cumbat per la chas'alva quintan definitivamain era ils daners.

Autur/a: RTR/ggf