La cifra – 36 milliuns euros

Al turnier dal French Open a Paris vegn ina summa da premis da total 36 milliuns euros pajada a las atletas ed als atlets.

Al French Open n’ha vai betg mo per quest buccal mabain era per ina pluna daners.
Legenda da maletgs: Al French Open n’ha vai betg mo per quest buccal mabain era per ina pluna daners.

Sch'ins quinta ensemen tuts ils daners da premi che vegnan surdads quest'emna al turnier da Roland Garros a Paris fa quai ina summa da premis da 36 milliuns euros. Il victur sco era la victura dil turnier gudogna 2,1 milliuns euros. Il segund e la segunda dal turnier survegnan anc 1 milliun. Ils daners da premi tar il turnier dubel sco era tar quel da mixed èn pli bass. Là survegnan ils victurs e las victuras anc 660'000 respectivamain 140'000 euros.

US-Open cun record

La pli auta summa da premis na vegn dentant betg surdada a Paris mabain al turnier da tennis US-Open a New York. Lonn vargà han ils organisaturs pajà ina summa totala da premis da 46,3 milliuns dollars. Quai è sta la pli auta summa insumma en l'istorgia dal sport da tennis. Lura han il victur sco era la victura dal turnier singul gudagnà 3,5 milliuns francs.

Autur/a: Selina Chistell