La cifra - 32'000

En Svizra datti il mument radund 32'000 puzs e lajets. Quai è tenor scienzads dentant memia pauc. Anc a la fin dal 18avel tschientaner deva quai passa 300'000.

In lajet en il Giura.
Legenda da maletgs: In lajet en il Giura. Keystone


En il rom dal svilup agricul èn blers da quels puzs dentant vegnids fatg sitgs per avair dapli plaz. Uss dat quai en media en Svizra be pli otg puzs per 10 kilometers quadrat. En regiuns fitg agriculas dentant strusch in sin la medema surfatscha.

Impurtants fissan ils puzs cunzunt per flora e fauna ed er per prender si aua per evitar inundaziuns tar fermas plievgias.

Autur/a: Prisca Bundi