La cifra – 30'000 °C

En il chanal d'in chametg datti chalurs da 30'000 °C. La temperatura enorma è mortala per persunas ed animals che vegnan tutgads dal chametg.

Il chametg e sia bellezza privlusa
Legenda da maletgs: Il chametg e sia bellezza privlusa. KEYSTONE

Fin 500'000 chametgs datti per onn en Svizra. En media moran mintg'onn trais persunas dal chametg en noss pajais, u da la chalur ni er da la tensiun.


Quai èn ils tips principals per sa proteger durant in urizi:

  • Ir en in bajetg u en l'auto.
  • Sch'ins è sin ina spassegiada, tegnair distanza da plantas singulas, ir en il guaud u star a granugl en ina foppa.
  • Sch'ins è en in lai u bassin, immediat ir or dall'aua.
  • Sch'ins è sin ina tura, bandunar spert il piz u il fil da la muntogna.

Autur/a: Marionna Lombriser