La cifra – 19.5%

La differenza da pajas tranter dunnas ed umens en il sectur privat è vegnida pli pitschna ed è tar 19.5%.

Anc adina èn ils umens han ils umens in avantatg sch’i va per las pajas.
Legenda da maletgs: Anc adina èn ils umens han ils umens in avantatg sch’i va per las pajas. COLOURBOX

Cunzunt en la branscha da bancas è la differenza da pajas tranter umens e dunnas che fan la medema lavur marcanta. Là gudognan las dunnas en media 33% pli pauc ch'ils umens. Era en l'industria da maschinas è la differenza gronda cun 24%. La branscha cun la differenza la pli pitschna è la gastronomia cun 9%.

Las differenzas èn anc vesiblas, dentant en tut las branschas prenda la differenza en media giu onn per onn. L'onn 2010 era la differenza en il sectur privat anc tar varga 23%.

Era en funcziuns da schef datti adina dapli dunnas. Tuttina è la quota da dunnas ch'èn scheffas u directuras cun 8% fitg bassa.

Autur/a: Selina Chistell