La cifra – 14 km

Las Svizras ed ils Svizzers penduleschan en media 14 kilometers al di per ir a lavurar. Ed en svizra èn 9 da 10 persunas pendularis. E sur la mesadad dals pendularis è da viadi cun auto. Sin quella conclusiun vegn l'uffizi federal da statistica BFS.

9 da 10 persunas sun pendularis en svizra.
Legenda da maletgs: 9 da 10 persunas sun pendularis en svizra. Keystone

Sur la mesadad dals pendularis èn en gir cun l'auto. Però adina dapli penduleschan era cul tren. Entant sun quai 19%. Ils auters van cul bus, cul velo u lura a pe a lavurar.

Tenor la statistica è mintgin che ha in fix lieu da lavur dador sia chasa in pendulari. Era sch'ins sto per exempel ir be 5 minutas cul velo.

Il med da viagiar dependa savens da la distanza dal viadi. Pli curt ch'il viadi da lavur è e pli savens ch'i vegn prendì il velo ni il bus. Dentant per distanzas medianas tranter 10 e 20 kilometers vegn prendì l'auto. Per las pli lungas distanzas prefereschan ils Svizzers dentand il tren.

Las 10 citads las pli grondas en svizra han ils pli blers pendularis cun excepziun da Winterthur. A Turitg ed a Soloturn datti ils pli blers pendularis cun 90%.

Autur/a: RTR/fc