La cifra – 1,5 milliardas

La cifra ha da far insatge cun il prim d'avust. Dentant betg forsa 1,5 milliardas rachetas ch'èn vegnidas sajettadas en l'aria, mabain 1,5 milliardas francs custa il prim d'avust a l'economia publica.

L'emprim d'avust ha ses pretsch.
Legenda da maletgs: L'emprim d'avust ha ses pretsch. Keystone

Quai ha Avenir Suisse quintà or. La gronda part da quels custs resultan, perquai ch'ils blers da nus na lavuran betg quai di. E sch'ins partia il product naziunal brut da 650 milliardas francs per en tut 230 dis da lavur dat quai 2,8 milliardas per di. Lura anc quintar tiers quels che lavuran tuttina e lura dat quai 1,5 milliardas. Dentant: Il firà sa paghia tuttina, perquai ch'in di liber fetschia buna luna e la populaziun lavuria perquai ils 2 d'avust pli fitg.

Autur/a: Sabrina Bundi